فوتو: Oqu-agartu minisrtrligi
وسى وقۋ جىلىندا 1100-دەن استام وقۋشى ءبىلىم الىپ وتىرعان مەكتەپتە بالالار قاۋىپسىزدىگى ءۇشىن 170 بەينەباقىلاۋ كامەراسى ورناتىلعان. بارلىق كامەرالار جەدەل باسقارۋ ورتالىعىنا قوسىلعان جانە عيماراتتىڭ ءىشى-سىرتى تاۋلىك بويى باقىلاۋدا تۇر. ال, مەكتەپ دالىزدەرىندە پوليتسيا ورتالىقتارىمەن تىكەلەي بايلانىستىراتىن شاقىرۋ باتىرمالارى ورناتىلعان. وقۋشىلار مەن قىزمەتكەرلەردىڭ مەكتەپكە كىرۋ-شىعۋىن باقىلاۋ ءۇشىن «Alaqan Mektep» جۇيەسى ەنگىزىلگەن.
«مۇعالىمدەردى قولداۋ مەن ولاردىڭ كاسىبي دامۋىنا جاعداي جاساۋ, ءار وقۋشىنىڭ تۇلعا بولىپ قالىپتاسۋىنا قولايلى ورتا قۇرۋ – تىكەلەي ديرەكتوردىڭ جاۋاپكەرشىلىگىندە. وسى تۇرعىدا قالاي جۇمىس ىستەپ, قانداي شارالار قابىلداۋ كەرەكتىگىن ءبىز ء«بىلىم بەرۋدەگى وزگەرىستەردىڭ 1000 كوشباسشىسى» جوباسى اياسىندا مەڭگەردىك. بۇل باعدارلاما ساپالى مەكتەپ باسشىلارىنىڭ جاڭا تولقىنىن قالىپتاستىرۋعا ۇلكەن سەرپىن بەردى», دەيدى مانارگۇل توحان.
وقۋ-اعارتۋ مينيسترلىگىنىڭ مالىمەتىنشە اتالعان مەكتەپتە سونداي-اق پەداگوگتەردىڭ كاسىبي شەبەرلىگىن دامىتۋ, تاجىريبە الماسۋ, قۇندىلىققا نەگىزدەلگەن ءبىلىم بەرۋ مادەنيەتىن قالىپتاستىرۋ باعىتتارىنا باسا نازار اۋدارىلعان. مۇعالىمدەر ادىستەمەلىك بىرلەستىكتەر ارقىلى ءبىر-بىرىنەن ۇيرەنىپ, ءبىلىم بەرۋ مازمۇنىن جاڭعىرتۋعا بەلسەندى قاتىسىپ جاتىر.
